سيدة عربية تعتدي بالضرب على فتيات في المترو اعتراضا على ملابسهن (فيديو)

أظهر فيديو متداول على مواقع التواصل الاجتماعي سيدة تعتدي بالضرب على فتيات داخل مترو الأنفاق، اعتراضا على الملابس التي ترتديها الفتاة، والتي بالتالي وصفتها السيدة بـ الفاضحة.

سيدة تعتدي على فتاة بالضرب

وقالت مصورة الفيديو سلمى محمد، طالبة بكلية السياحة والفنادق، بجامعة حلوان، لـ القاهرة 24، .إنها كانت بصحبة صديقاتها سلمى وآية في المترو، وفوجئن بالسيدة تقول لصديقتها  آية “لمي دراعك،. في شباب طالعة ونازلة، وانتي ازاي تلبسي كدة؟”.

ضرب الفتيات بالحذاء

وأضافت سلمى: “صاحبتي ردت عليها بماله لبسي، أنا لابسة عادي، وفعلا هي كانت لابسة عادي، تيشيرت بنص كم، ومفيهوش أي حاجة، فقعدت تشتمنا بكلام بذيء، وكل اللي في المترو ردوا عليها. بأنها حرية شخصية، وبعدين إحنا في مترو سيدات، مفيهوش رجالة”.

وتابعت:” لما عرفت إننا بنصورها، رمت الموبايل وشتمت بزيادة، وقلعت لنا الشبشب وكانت عايزة تضربنا بيه، والناس حاولت تسكتها. وقعدوا يقولوا لها هي لابسة عادي، وإنت ملكيش دعوة، بس هي استمرت وضربت فينا،. ولحد ما نزلت وهي بتشتمنا بكلام بشع”.

وأكملت: “الواقعة حدثت يوم الاثنين في الساعة العاشرة مساء في  خط حلوان، واستمر الخناق. بيننا لمدة 5 محطات تقريبا، من محطة الملك الصالح حتى حدائق المعادي”.

اتهامات بالأخلاق السيئة 

واستطردت سلمى حديثها قائلة: “إحنا اتصدمنا لأن لبس صاحبتي كان عادي، ولو كانت لابسة. لبس مش كويس، كانت نصحتها بشكل أفضل، والست مش باين عليها أنها مريضة نفسيا خالص، بس تفكيرها هو اللي مريض”.

“اللي زيك يتعملها محضر في الآداب”  كلمات اتهمت بها السيدة الفتاة، حيث أكدت سلمى أنهن تعرضن لشتائم سيئة من جانب تلك السيدة، مضيفة: “إحنا ملحقناش نعمل لها محضر، لأن الناس في المترو نزلوها عشان تبعد عننا”.